في بنت تدعم وما تبجي؟

[Backpacker Girl]

===
شفت سيارة أخوي إلي ما صارله شهرين ماخذها مدعومة
===
أنا: مسوي حادث؟
أخوي: إي وحدة ادعمتني
أنا: وليش ما تقول؟
أخوي: ليش أقول هذا مو حادث
أنا: شلون مو حادث الباب كله مدعوم داش لي داخل
آنا اخترعت عبالي فيك شي !
أخوي: وحدة ادعمتني بمواقف الكلية
أنا: يعني إذا بالمواقف ما يسمونه حادث
أخوي: إي مو حادث والبنت إهي الغلطانة توها تسوق وداست البانزين بدال البريك !!!
أنا: انزين انت تعورت؟
أخوي: لا الحمدلله
أنا: والبنت تعورت؟
أخوي: لأ
أنا: بجت؟
أخوي: إي اشدراااج ؟؟؟
===
ههههه
===
من مذكرات 2007

[عبدالله]

هههههههههههه
اي هاذي ردة الفعل الطبيعية
بحياتي حصلت حادثين من إناث
الاول بسم الله توني ماخذ الليسن وكامل عمري 18 والوالد الله يحفظه مطلع لي من موتر من الوكالة لول لايروح بالكم بعيد مو بي ام ولا مرسيدي ( ماكسيما ) ولا ذيج الوحدة الله يجزاها خير تدعمني من ورا وانا واقف بالزحمة نزلت وخليتها بسيارتها يمين يسار اشوا السيارات مافيها شي زلوق بسيطة جان احرك
انا بعرف الزحمة مبينة من بعيد
ليش طايرة !!!


والثانية بمواقف البلوكات ماخذ سيارة اخوي والمواقف هناك ضيقة جان تدعمني ونفس السالفة طوفتها

والله مساكين يالشباب قلوبنا بيضا وتطلع لك وحدة تبجي بعد
احتمال تصلح لها لوووول

:)

[Backpacker Girl]

هههه حدكم ابتلشتوا فينا
:)

[ummaha]

شكرا بيك بيكر :mad:

احنا بدون تبجبج ما سلمنا من تظنز معسكر الشنبات على معسكر نون النسوة !

بعد هالمرة بتحطين لنا مواضيع من هالطقة لا بالله كدينا خيير :cry:

يظهر ان بعض افراد كتيبة نون النسوة قد اعلنت العصيان المدني على المعسكر البنكي (وردي ) الطيب

بمساعدة احد افراد كتائب العدو في معسكر الشنبات الفريق الركن عبدالله :mad:

نطلب جميع الاخوات البنكيات الاصطفاف واعلان حالة الاستنفار القصوى للرد على من تسول له نفسه بالمساس


بامن وامان معسكرنا النسوي الطيب والبريئ جدا جدا :D

[سيدة الحرف]

قبل سنتين دعمت ياهل عمره عشر سنين تقريبا

نزلت من السيارة في قمة الرعب عليه مو علي لقيته متمدد على الارض عبالي مات غمضت عيني وفتحتها لقيت امة محمد فوق راسي

كان ليلة عيد وكان اهو مفتلت من ايد امه على الشارع

وكنت انا سرحانه : )

لكن الله قدر ولطف
بالمخفر

<<<<<<< سوابق

حاول يستظرف الشرطي وقالي بكل بجاحه : اقول ,, ترى الولد مات

انا حسيت اني انشليت يوم شافني ابجي رجع وقال بكل سفاهه : لا لا لا ترى كنت اتغشمر !!


والله يكفيكم شر الطريج اجمعين