المسك والعطر في سفرة قطر! [الأرشيف]

مشاهدة النسخة كاملة : المسك والعطر في سفرة قطر!

الرحال

03-01-2010, 08:33 PM

لا: ماني مصدق معقوله هذه قطر اللي زرتها آخر مرة قبل عشر سنين

اللهم لا حسد -----وحسرة والله علينا

شهالأبراج بالعشرات وإلا الكورنيش النظيف الرائع --لا مغازل لا إزعاج لا خز !!

أما سوق واقف :thumb:--ماودك تطلع منه ---روعة وتراث وتحف ومطاعم ومقاهي ---الخ ---بس شكثر الشيش اللي فيه

أما التحفة الرهيبة والعجيبة فهي جزيرة اللؤلو:astonish:

يا إخوان أعتذر لعدم وجود صور صح صورت بالتلفون لكن ما تنفع احطها هني

لكن النت مليان صور عن التطور الرهيب والجذري لدولة قطر الشقيقة والحبيبة :heart:

بلد نظيف ومرتب والمشاريع العمرانية والأبراج شغالة

والله أنا كنت احسب الربع يبالغون !!

لا حظت كثرة السياح الغربيين -والشرق الأوسطيين --والله قطر اصبحت بلد سياحي وقبلة للزوار

اما مول فلايجو---فهذا تحفة
صح عندنا سوق شرق والمارينا لكن أنا أتكلم عن روعة التصميم وجماله

حتى البحر والكورنيش عندهم عارفين شلون يستغلونه --والله انصحكم فيها ماراح تندمون

ركبت السفينة وأخذت لي جولة على خليج الدوحة بالليل وسبحان الله مااروع منظر الليتات والأضواء وقتها

تبي تقولون ---- يا معود يمكنك موشايف خير :sun:

لا لا غلطانين --انا على معرفي رحاال

رحت وشفت -----لكن اللي شفته في قطر غير

خلاص أنا تولعت في قطر ( دقوا على المطافي:D )وشريت خط قطري وبشتري عقال ابو كركوشة والبس بزمة وكمك وبإذن الله راح أكرر الزيارة

يا حلو المشي على الكورنيش مع الجو البارد والهوا اللي يرد الروح يمكن ضعفت 4 كغ من المشي

كل ما بلعت في مطعم ر:weep: رحت مشيت وهضمت على الكورنيش !:D

الحمد لله إجازتي وفلوسي مار احت خسارة

والله في بعد شغلات بعد حلوة ونسيتها ----!

وانتظريني ----يا قطر:p

kkk

03-01-2010, 08:38 PM

مساك الله بالخير
بوعبدالرحمن.....الحمدالله على السلامة
بالانتظار ....حلقات قادمة
متابع .....

تحياتي

الرحال

03-01-2010, 08:43 PM

مساك الله بالخير
بوعبدالرحمن.....الحمدالله على السلامة
بالانتظار ....حلقات قادمة
متابع .....

تحياتي

هلا بالحبيب أبو احمد
:flower:

لا ----ما هي سلسلة بالضبط مثل اللي إنت خابر

شكلي شيبت :confused:

لكن هي الله يسلمك ومضات وزفرات وحسرات فقط

مسك

03-01-2010, 10:04 PM

أخونا الرحال عليكم بالعافية أولا والحمد لله على السلامة

فعلا قطر في تطور سريع ما شاء الله وقد زرتها العام الماضي
أهلها يقولون أن الكويت هي الماضي ودبي هي المستقبل وقطر ستكون هي المستقبل! (طموح عجيب)
أحلى ما فيها أنها تتطور مع المحافظة على عاداتها وتقاليدها
عندهم منتجع على البحر اسمه (سيلاين)، نظيف وقمة بالهدوء بالضبط مثل الخيران عندنا! :)

Ms Rose

04-01-2010, 01:10 AM

فعلا الكل يمدح قطر

اذكر رحتلها من 8سنوات

كانت تفتقر الى العديد من العوامل السياحيه
عموما:)

الحمد لله على السلامه

وعسى دايم سفراتك حلوه

وشوقتني اسافر لقطر عن قريب:)

تك تك

04-01-2010, 03:17 PM

حمدالله علي السلامه
اخوي الرحال
فعلا البلد تطور ولكن الشعب كما هو لم يتغير<<<<<رافعين ظغطه
ننتظرك

الرحال

04-01-2010, 10:25 PM

حمدالله علي السلامه
اخوي الرحال
فعلا البلد تطور ولكن الشعب كما هو لم يتغير<<<<<رافعين ظغطه
ننتظرك

الله يسلمك وكل من شارك

ترى الشعب القطري الشقيق رغم التطور العمراني المتسارع عندهم لا زال على عاداته وتقاليده وبداوته وفطرته إلا ماندرممن لا يخلو منهم مجتمع

أعجبني عندهم الإلتزام التام بأولية الدخول ف الدوار مومثلنا درعم وامشي

وكذلك لا حظت كثرة الجيوب فهي سيارة الشباب الاولى ولا زم التوايربالون

وكذلك ما شاء الله كثرة المساجد وبساطتها

أحمد

04-01-2010, 10:37 PM

الحمدلله على السلامة بوعبدالرحمن ..

فعلا قطر في تطور .. ربي يسلمهم من خرابيط دبي ..

زرت الدوحة قبل فترة وشاهدت التطور العمراني ..

ومما أعجبني مجمع فيلاجيو .. وصلت له في المساء وكنت مرهق ، فلما دخلت أحسست بأن النهار طلع والنشاط رجع ..

إن شالله ركبت القارب بوعبدالرحمن ..

http://forums.graaam.com/images/images_thumbs/c8a99495f2686430f4f1a76185a0cd3d.jpg

http://forums.graaam.com/images/images_thumbs/faaa397869e8cb1011fb2ea52738c032.jpg

http://forums.graaam.com/images/images_thumbs/8df6ea2d7fb4dc86b06e85070659dc69.jpg

Backpacker Girl

04-01-2010, 10:47 PM

رحت لها قبل جم شهر وسقت فيها فعلا حلوة
وفيلاجيو عجيب :)
ما رحت المتحف الإسلامي؟

أحمد

04-01-2010, 10:51 PM

رحت لها قبل جم شهر وسقت فيها فعلا حلوة
وفيلاجيو عجيب :)
ما رحت المتحف الإسلامي؟
المتحف متعوب عليه ..

للأسف أني لم أجد عربيّا يجول غيري مع أهلي ..:weep:

Backpacker Girl

04-01-2010, 10:54 PM

إي صح كله أجانب
آنا رحت له يومين ورا بعض :astonish:

تك تك

06-01-2010, 02:32 AM

الله يسلمك وكل من شارك

ترى الشعب القطري الشقيق رغم التطور العمراني المتسارع عندهم لا زال على عاداته وتقاليده وبداوته وفطرته إلا ماندرممن لا يخلو منهم مجتمع

أعجبني عندهم الإلتزام التام بأولية الدخول ف الدوار مومثلنا درعم وامشي

وكذلك لا حظت كثرة الجيوب فهي سيارة الشباب الاولى ولا زم التوايربالون

وكذلك ما شاء الله كثرة المساجد وبساطتها
شعب يعشق الجيوب
وياي بالجامعه 40 طالب 40 لاند
ما اقصده اخوي الرحال انهم لم يتأثرو بالتطور لا بالايجاب ولا بالسلبي
بس والله ونعم الشعب شعب يفرض احترامه
بعدين احلا ما فيهم ما يحسدون بعض

ريما

16-01-2010, 06:55 PM

الحمد لله على السلامه واهنيك على زيارتك لقطر بلد تستحق الزيارة لكن للاسف بعض الناس ماخذه صورة بدائيه عنها . انا سنويا اسافر الى الدوحه قد تكون شهادتي فيها مجروحه بحكم ان جذوري وغالبية اهلي فيها لكن للأمانه أقول بلد يستحق الزياره لسببين الأول طيبة وكرم وشفافية اهلها والثاني التطور العمراني العجيب سنويا أشوف شي جديد منطقة الدفنة بالذات صارت كأنها شارع الشيخ زايد في دبي عامره بالابراج والمباني العجيبه ومنتجعاتهم وايد حلوه مثل اللؤلؤة ومنتجع الشرق هذا غير الفنادق الفخمه اللي لما أدخلها أتحسر على فنادقنا . عموما هذه دعوة مني للجميع لزيارة دوحة السلام والهدوء .

الرحال

16-01-2010, 11:08 PM

حرة بنت الاحرار

17-01-2010, 12:05 AM

بس تسمع نشيدة قطر للعفاسي تتحمس لزيارتها

وهذي اهداء مني

http://www.youtube.com/watch?v=HjwRtwCs5XY

لعدان

17-01-2010, 12:46 AM

أخ يا بو عبد الرحمن ذكرتني قطر أنا أزورها كل عام وابناء عمي وانسابي هناك

رجعت منها إلى المملكة في 20 شعبان ومكثنا فيها مع الاهل والشباب شهر هناك نظام فوق المتوقع أدب أخلاق أخترام للانسان

الادارات الحكومية في غاية الاحترام والاخلاص في العمل كان لي معاملة في الجوازات

أقل من 10 دقائق أنتهت معاملتي

الانسان القطري في غاية التواضع كما ذكرت هناك في الكرنيش يجد الانسان متعة لانظير لها

المخيف في قطر غرامة السرعة حيث لايعرف الزائر نظام السرعة لكل شارع

قطع الاشارة 6000 قطري لذا تجدك في غاية الرعب عند الاشارة هل تمضي أو تتوقف خوفاً من اللادار

زرنا الجزيرة وتمتعنا بمنظر الابراج المتعرجة واجمل المناطق منطقة الدفنة وخليجها الجميل

نسال الله التوفيق لجميع البلدان المسلمة

وما غاضني في قطر بصراحة منظر الكنيسة الكبير تحية لابي عبد الرحمن ومذكراته الجميلة

الرحال

17-01-2010, 01:33 AM

بس تسمع نشيدة قطر للعفاسي تتحمس لزيارتها

وهذي اهداء مني

http://www.youtube.com/watch?v=hjwrtwcs5xy

شكراعلى الإهداء
قعلا نشيدة جميلة جدا للعفاسي

الرحال

17-01-2010, 01:42 AM

أح يا بو عبد الرحمن ذكرتني قطر أنا أزورها كل عام وابناء عمي وانسابي هناك

رجعت منها إلى المملكة في 20 شعبان ومكثنا فيها مع الاهل والشباب شهر هناك نظام فوق المتوقع أدب أخلاق أخترام للانسان

الادارات الحكومية في غاية الاحترام والاخلاص في العمل كان لي معاملة في الجوازات

أقل من 10 دقائق أنتهت معاملتي

الانسان القطري في غاية التواضع كما ذكرت هناك في الكرنيش يجد الانسان متعة لانظير لها

المخيف في قطر غرامة السرعة حيث لايعرف الزائر نظام السرعة لكل شارع

قطع الاشارة 6000 قطري لذا تجدك في غاية الرعب عند الاشارة هل تمضي أو تتوقف خوفاً من اللادار

زرنا الجزيرة وتمتعنا بمنظر الابراج المتعرجة واجمل المناطق منطقة الدفنة وخليجها الجميل

نسال الله التوفيق لجميع البلدان المسلمة

وما غاضني في قطر بصراحة منظر الكنيسة الكبير تحية لابي عبد الرحمن ومذكراته الجميلة

أخوي لعدان :flower:

يا أخي عندهم التزام بقوانين المرور شيء موطبيعي :thumb:
هو اقتناع هو خوف
المهم التزام التزام ---مومثل اللي عندنا --حرب الشوارع :mad:
أنامن الروعة من قيمة المخالفات اللي تطير ميزانية السفرة صرت ماأتعدى 100 كم

من تطلع من جوازات ابو سمرة لين توصل الدوحة يمكن 30 كاميرة والمسافة بينهم 90 كم !!
ممنوع الوقوف والحزام يمكن إذا ماني غلطان 5000 ريال قطري

الدوارمالك امل--يتعدونه -- التزام في أوليته

اما الابراج المتعرجة:astonish: فهذا بحالها قصة

اشهد ان اللي بناها عبقري !!

بس تصدق ما شفت الكنيسة ---يمكن ما نتبهت لها