سمّي جدهـ .. مرثيـه بدر في أبوه

[مُـعـتـدل]

http://www.alsahraa.tv/habab/badfis.png


هذي قصيدة بدر الرياحي في والده الشاعر الكبير فيصل الرياحي ( الله يرحمه )

والقصيده اسمها ( سمي جده ) لانها بعد بولده اللي جاه عقب وفاة ابوه ( الله يرحمه )

اتــركم مع القصيده ..


الحمد لك والشكـر ياخالقـي جلـه
يامن بحكمتـك تمنعنـا وتعطينـا
يوم السعد بان في وقته وفي حلـه
يوم(ن) جلى همنا اللي كان طاوينا
يامرحبـا ياسمـي ابوي وظلـه
يامرحبا عقب مابطيـت وتحرينـا
يافيصل انته سمي لجدك ارضا لـه
اللـي بيبطـي غيابـه مأثـرٍ فينـا
كم كان شفه يشوفك مير مامهلـه
الواحد اللي تحت حكمـه تساوينـا
ياليتني ياسميـه رحـت فـدوا لـه
ياليتنا فـي محلـه والعـزاء فينـا
ويهون قبـر علـي العالـم تهلـه
ويهون عمر(ن) بقى من دون غالينا
ماكل كسر مثـل كسـري ولا بلـه
لو جاتني افواج خلـق الله باكينـا
لو صاحت ام الوشام بصوتها جلـه
لو عدو اهل القصايد كـل اسامينـا
لكن يابوك هذا علمـي افطـن لـه
لاتدرج في الذرى والوقـت قافينـا
منتا بخبل تشوف الـدرب وتزلـه
حيث ان مجناك مـن روس الميامينـا
خلك على هقوتي والـدرب تندلـه
ياللي غلاك يتمشى فـي الشراينـا
وانا لي الله وهـذا طبعـي اجبلـه
ماشكي لغيره ولو صكاتهـا دينـا
عساه يلطـف بعبـدٍ حالـه معلـه
يرجي ثوابه ولا يخرج عن الدينـا
اوما على كسري ببطي وانا شلـه
لو نسِيت النـاس ماحنـا بناسينـا
ياكسري اللي بيبطي ماجبـر خلـه
لوجالي من العيال الصلب تسعينـا

http://www.youtube.com/watch?v=jNpIebZ6D1g&feature=related (http://www.youtube.com/watch?v=jNpIebZ6D1g&feature=related)

[ummaha]

جميل سلمت ذائقتك وسلمت يافيصل :flower:.. من اروع ما قرأت اليوم

قصيدة ملؤها البر والوفاء والمحبة .. شكرا لك :flower:

تذكرت الشاعر خالد العتيبي في قصيدة له عن رسول الله نفس القافية ..

من احب القصائد الى قلبي .. شاعر جميل خرح من تصفيات شاعر المليون مبكرا لتزامن

وجوده مع فطاحل كبار



دعت سمر الجدايل وانتخت بالقذلـة الـهلة
تـبي مني عروس للقصيد ازريت لاغويهـا


ويوم اني لقيت لها الخلود وجيت ابوصل له
تـنـحرك الـكـلام اللي فهقها دون مغليها


خضع لك راس مسبوق الـقصايد وانحنى كله
وانـا بـك شاعر الدنيا ومشغلها ومـالـيها


يـذكـرنـي رحـيلك مجلس باق على حله
مـداهـيل الـرجال الـلي تنومسنا مواطيها


هـنا سـليت سـيف يوفي الثارين من سله
هـنا عـلقت رمـح يـطعن الجوزا ويطفيها


هـنا بـينت مـصـحفك الكريم ودلنا دله
مـعك نـبدا مـواعـيد الكلام وننتهي فيها


هـنا سـاقيت غصن من غلا كنا تحت ظله
نـسولـف بالغنا يا بـايع الدنيا وشاريها


هـنا كان الرجال جبال ما تقبل خنا الزلة
عـمـايمها سـحاب وابله باقي مواظيها


رجــال لو تشوف الما غدر ما شربته لله
نـبت عشب الرضا يا سيدي بأول مغازيها


هــل التوحيد وكنوز العلوم ونصرة الملة
رجـال يـضحـك الـتاريخ لولها وتاليها


هنا ماضيك ورياض الخليل اللي رعى خله
شـربنا عـذبـها مدري لعبنا في مغانيها


هنا تخنقني العبرة وانا اكتب يا رسول الله
على قـبرك نـسيت الناس حاقدها وحانيها


وابـو قبر يـتيه من الفخر بالبيد وتجله
عـلى حـسد تبين من سمايمها وصاليها


و يـهنـاك الوفا قبر يضمك في ثرا تله
ما دامه بين فردوس الجنان وبين منشيها


وانـا لامن ذكرت فراقك اللي في يدي غله
نـسيت ان الليالي شيـبتني مـن بلاويها


على بـعد الزمان اللي يعقد الحبل ويحله
لـيامـني ذكرتك طاحت الدمعة وراعيها


سـلام الله مـا هز الصبا نسرينه و فله
على الطفل اليتيم اللي عطى الدنيا معانيها


للشاعر خالد العتيبي


http://www.albashiri.net/works/audio/mp3/ydakrny.MP3

[مُـعـتـدل]

أم مهـاا :flower:

اسعدني مرورج .. وبالفعل القصيده جمالهاا في بيآن بر والدهـ


اماا لقصيده خالد العتيبي جميله جداً

هـ الشاعر كنت معجب فيه من شفته بشاعر المليون ..


شكرا لمرورج :flower:

[أحمد]

الله يرحم فيصل الرياحي ..

وقصيدة وفاء من ابنه ..

واليوم ما شاء الله الثلاثي فيصل موجودين ويستحقون الورود :flower::flower::flower:

[جهراوي]

قصيدة معبرة

واختيار موفق راق

[نادية]

ماكل كسر مثـل كسـري ولا بلـه
لو جاتني افواج خلـق الله باكينـا
لو صاحت ام الوشام بصوتها جلـه
لو عدو اهل القصايد كـل اسامينـا


يالله روعة روعة

شكرا على القصيدة الجميلة