حوار بين كبت ام سعود وأبوسعود

[المتفائلة]

حوار بين كبت ام سعود وأبوسعود

شوفي حال كبت أم سعود وأبو سعود يكسر الخاطر
ظلام دامس يلف الغرفه ..ويغرق الزوجان في سبات عميق!!
ويخرج صوت من داخل الغرفه ليقول:

بس بس ماني قادر أتحمل اكثر من جذيه هذي ظالمه ..

ليرد على الصوت صوت آخر ويقول:
شدعوه لا تبالغين وايد كاني شوفيني ما فيني إلا العافيه
نعم هذه اصوات الكبتين اللي بالغرفه لنستمع لهم

كبت الزوجه:اشفيك انت ما تحس أنا بمبط بموت ماني قادره .. ماكو مكان فيني إلا وترسته الهانم ملابس وبدل ونفانيف

كبت الزوج: غريبه والله انا فاضي كل اللي عندي 6 دشاديش و6 اغتر وجينزين و8 تيشيرتات بس!!!
كبت الزوجه: يابختك ..انا صايره مؤتمر عالمي من كل الدول فيني بدلات ..بمبط..اتصدق بمعدل كل اسبوع نفنوف او بدله يديده هذا غير الجناط اللي حاطتهم ما اقدر امد ريولي من كثرهم..وإلاّارقبتي ابتنقطع من العلاليق!!!

كبت الزوج:الله يعينج ..انا عندي بطاله في العلاليق ماني قادر اوظفهم كلهم فاظين وخايف عليهم من وقت الفراغ مادري شلون اشغلهم

كبن الزوجه:عاد ليتها تلبسهم وإلا تدري عنهم معرده بجم نفنوف ودراعه والباجي خاشته للذكرى . اللي ضييق ومتحسفه عليه وامخليته ليمن تضعف صار له ثلاث سنين واللي ماتحب تلبسه مايريحها واللي لونه بعد ماشرته مو داش خاطرها وهذا شافت فلانه لابسه مثله وطلع من خاطرها!!وهذا حسافه وذاك قميضه
وهالبخيله مو راضيه تقتنع انه كافي تخزين وتتصدق فيهم وتعطيهم محتاجه تلبسهم وتفرح فيهم
//ياما عروس بودها ببدلة عرس موحاصل لها وانتي بدلتج بالكبت مغبره .. وياما بنات بحاجه لفساتين ماعندهم وانتي فساتينج !!!!
وياما ناس بحاجه لملافع وشيلات وانتي متحسفه تطلعينهم....الى متى

لنبدأ ،،،،،، من اليوم افتحي الكبت واللي صار له سنتين مالبستيه طلعيه ولا تقولين بلبسه ..كافي تخزين.


بقلم : احدى الأمهات الفاضلات

[لعدان]

خوش خوش حملة من المتفائلة حملة لتصفيط و ترتيب واستهلاك كبت الزوجات

الكثير من الكباتات اصبح يستعين بكبت الزوج للتعاون على شؤون البيت

المشكلة بالزوج الذي مل من اللون الواحد حتى يتغير واذا تنهد قالوا ياريال الغسيل غالي

والوقت ضيق

[المتفائلة]

اقتباس:
المشاركة الأصلية كتبت بواسطة لعدان http://www.dewania.com/forum/images/dewania/buttons/viewpost.gif (http://www.dewania.com/forum/showthread.php?p=71182#post71182)
خوش خوش حملة من المتفائلة حملة لتصفيط و ترتيب واستهلاك كبت الزوجات

الكثير من الكباتات اصبح يستعين بكبت الزوج للتعاون على شؤون البيت

المشكلة بالزوج الذي مل من اللون الواحد حتى يتغير واذا تنهد قالوا ياريال الغسيل غالي

والوقت ضيق



هههه

[q8ikhwan]

:):):)

واقع مؤلم للكبت.

الإشكال كما ذكر أخي لعدان بعملية الغزو التي تحدث لــ (كبت) الرجل.

بداية حياتك يكون لك (كبت) بــ أربع أبواب ، ثم اثنين ، ثم واحد.

حملة مباركة اختنا المتفائلة ... نؤيدكم بقوة.

[6ergi]

المشاركة الأصلية كتبت بواسطة q8ikhwan http://www.dewania.com/forum/images/dewania/buttons/viewpost.gif (http://www.dewania.com/forum/showthread.php?p=71236#post71236)
:):):)

واقع مؤلم للكبت.

الإشكال كما ذكر أخي لعدان بعملية الغزو التي تحدث لــ (كبت) الرجل.

بداية حياتك يكون لك (كبت) بــ أربع أبواب ، ثم اثنين ، ثم واحد.

حملة مباركة اختنا المتفائلة ... نؤيدكم بقوة.



يبدوا انها معاناة مشتركة يا زميل ..

المشكلة أنه بالرغم من أن ملكيتك في الكبت تتقلص تدريجيا من 50% حتى تصل إلى نسب دنيا لا تكفل لك أي صوت في مجلس إدارة "الكبت" ..

مع ذلك لا تجد تشخصيا عادلا للمشكلة .. فتجدها تقول ..

الكبت ما يشيل .. والسندرة ضيقة .. ومو لازم تحط ملابس رياضة ..


إن شاء الله إذا صممنا بيت المستقبل راح نراعي هالشغله ..

دور للسكن .. ودور لـ "تبديل ملابس" :mixed: ..

وإحتمال نستخدم نظام الفهرسة الموجود بالمكتبات .. للإستدلال على ملابسنا :sun: ..

[ummaha]

موضوع لطيف للغاية لاانكر انضمامي للزوجات المتهمات هنا بسحب البساط من ملكية الزوج الكاملة لكبته المسكين

لكنني اؤمن وبشدة بحقه في المشاركة معي في كبته :mixed: :cry:


ليش تذكرت اليهود وفلسطين ماادري :sun:


المتفائلة شكرا لك عزيزتي :thumb:

[الحد الفاصل]

هناك فائدة لم يتدارحا الكثير من الرجال للغزو الكبتي النسائي

وهو توسيع ثقافة ومعرفة عالم الالوان فإذا كنت تريد أن توسع
مداركك اللغوية أقصد النظرية فترجل سائحاص الى كبت الزوجة فتجد
كل الوان الطيف فتقول ياسلام هذا لون جميل فتقول انت الثاني

هذا قديم جداً لبسته هيفاء قبل شهر ونص

وتقول ياسلام هذا المدل رائع فتقول انت الثاني هذا مو مناسب
سمعت ان جارتنا اخذته تقليد صيني

فتقول ياعيني هذا بارع المنظر وتصميم جميل فتقول
هذا حق العجائز شفته مع أم كرتون
فتقول ياسلام فتبادرك اسكت اسكت انت مو متابع الموضة

فيصيح الرجل غاضبا زين كيف تبن اتابع وانا لا ارى إلا ثياب البصل
والون البصلي والداكن والاسود عد الخروج فتقول

إنها موضة الكباتات

وتحية ملؤها الوان الكبت

[المتفائلة]

أبدعتم يا معشر الرجال ...رفقا بالقوارير :)

[ummaha]

احيانا نختفظ بما لا نستخدمه ذكرى


لن تصدقوا اني احتفظ بكروت مفاتيح الفنادق التي زرناها بامريكا قبل 10 سنوات واقلام من كل فندق

بعض الجمادات ترجع لنا سرورا و حنينا لماضي جميل ..

[سيدة الحرف]

عز الله ان هذا الحوار التراجيدي واقعي بحت ..

ما أروع خزائن الانجليز ..مُرتبة جداً وبسيطة ..

نحن الخزانة لدينا تأخد نصف حجم الغرفة .. وتتصل بعنان السقف كأنها مارد ..

لا ألوم كبت ام سعود ..

فبعض النساء شبيهات ام سعود لازلن يحتفظن بملابس تعود الى زمن 1878 م




إيه يا ام سعود ارحمي الكبت .. تبرعي باللي ما تبينه .. لا تتشفق نفسج على كل شي الطمع شين ..


مع هذا اعتقد ان كبت ابو سعود كان مايل الكفة

فخزائن بعض الرجال تكاد تنفجر ..




ما اجمل الخزانة حينما تكون بملابس متواضعة وبسيطة..

عانك الله يا كبت ام سعود

لو آنا منك أطيح عليها وأقمتها بهدومها عشان تتأدب مع الجمادات :p

[ummaha]

حرااااام عليييج يالمجرمة :mixed:


يطيح علييها مرة وحدة .. انصحيها نصيحة مفيييدة

المهم نبي الي وعدتينا فييه

يبدو السجال لذيذا


بانتظار الملحمة لا تتأخري علينا :flower:

[سيدة الحرف]

ايه يطيح عليها ويقمت يدها :/


خليه يأدبها يا ام مها المصووونه .,



حتى تشعر وتصدق بأنّ هناك ملابس لا حاجة لها فيها ..



كبت أم سعود يُحدّث أم سعود : شوفي يا البلوكات , أنا تعتب سنين وانا شايل ذوقج , تحسبين كل اللي تجبريني عليه حلو ؟

أم سعود : ولك عين يا الخشب تتكلم ؟

كبت أم سعود : اتكلم ومشلوعة عينج , يا المبذرة ,, عندج خبر إنج اخت للشياطين ؟

أم سعود : ويه سليحط ,, اسم الله عليْ ليا الجماد الاربد ..

كبت أم سعود : أوص ,, أوص ولا كلمة لا أهز جتفي وأييج روّاسي .. خافي الله .. ابيج تفرزين كل ملابسج على بعض .. وحطي بيدج ورقة وقلم ,, لأ لأ ما ظنتي بتكفيج ورقة خليها جريدة .. وابيج يا بياعة السنع تحسبين سعر كل قطعة منهم وعطيني التوتل ..

أم سعود : عشاني فاضية بسوي طريقتك يا الادعم .. منها اتسلى ومنها اضيع وقت ..




(( وبعد عشرتعش ساعة من العد والتكسير والحسبة ))


أم سعود : الله أكبر .. اشهالمبلغ والله لو اني ميمعته بالبنك جان شريت لي سيارة يديدة بدال القرمبع اللي عندي..

كبت ام سعود : شفتي اشلون يا الرفلة ؟
باجر تُحاسبين على هالفلوس .. لا يقصون عليج الحريم كل وحدة مسوية روحها مصممة ازياء وهي ماتعرف كوعها من بوعها ..


أم سعود : تــــــــــــــوبة يا كبتي العزيز .. أثاريني كل يوم أغسل بيزاتي بالغسالة وأضربهم أوتي وآنا مادري.. يا بعد أهلي أهو وين راسك خل امطخه ..


ويـــــــه ودي اقول شي و مفتشلة منك يا بو رفوف ..


اقول يا كبتي ..


كبت أم سعود : اختصري بروح اتمدد عقب ما تفظّين الرف اللي تحت من خلاقينج ..


أم سعود : لو أبيع هدومي الكريمة عليك , تشتريهم ؟؟ :p

[ummaha]

مبببدعة وبس

مااقدر اخرب الجمال الي سطرتييه هني


على قولة اخونا اذكر الله انطم وايد احسن :)

لوول


خووش حوار يا انيقة


:flower:

[سيدة الحرف]

:flower: محشومة يا كسرة بخور كمبودي ..

[لعدان]

كبت مثقف جدا ً ولا غرابة فهو من تتبع واستقراء لحال الغرفة عرف الزين والشين

سمعت أن كبت ام سعود يحضر ماجستير بعلم الالوان و قدم دبلوم موضة عصرية

اكيد عنده خلفية جيدة بعلاج نفسيات امهات السعدات

المسكين كبت ابو سعود مفيه حيلة منطم واغلب الاوقات نايم

بنت الجزيرة حملة موفقة وناجحة

[أحمد]

موضوع ماتع وإضافات رائعة

وخصوصا التكملة للروائية سيدة الحرف

شكرا للمتفائلة*

[بنت طموحه]

لا أهز جتفي وأييج روّاسي:d
شكرا سيدة الحرف