الاشارة المرورية

[بوعلي]

امس كنت على شارع بن خلدون لفت انتباهي امر غريب وضحكت عندما رأيته اللي شفته مجموعة من الرجال معهم عمال يحفرون وعاملين ضجة على الاشارة الواقعة على شارع بن خلدون والمتقاطعة مع شارع المثنى (شارع المهلب) قاعدين يركبون الاشارة التوقيتية اللي شفتها يوم من الايام في الهند 2004 والاردن 88
طبعا كالعادة العمال ما تدري منو هم او اي شركة مافي لبس رسمي وما كو اسم لا والاقوى من جذي اهل الغتر هم اللي يشتغلون

http://up.arb-up.com/i/00083/woj0dvgq5ssf.jpg

http://up.arb-up.com/i/00083/lrc8nfitfjy2.jpg

http://up.arb-up.com/i/00083/tkvlysqcq3dt.jpg

ما أدري متى تتسنع عندنا التكنولوجيا نستخدم ادوات قديمة جنا تونا قاعدين من النوم

يا جماعة عندنا اشارات مرورية ما اتعرف اذا اهية خضرا والا حمرا
توقف عند الاشارة تشوف البايبات طالعة من الارض ما تدري من وين يايه تقول احنا في عهد الديناصورات
اشارات طايحة عواميد دايخة علامات ممسوحة ليتات امحرقة سيارات مثل الصواريخ بالشوارع سيارات امقلبة باشيات وسياكل ترس الشوارع وماكو نجدات
فلم رعب
لما توقف بالجسر الواقع بين الدائري الثاني وطريق الملك فهد ما تقدر تعد العواميد من اشارات مرورية وكاميرات مرورية عواميد انارة وارايل تدوخ
وهذا شارع قتيبة متقاطع مع شارع بيروت شوف الفوضة الصبح كل سيارة تدخل في الثانية والرونج سايد ماشي في هالشارع والمشكلة مخفر النقرة لاسق بالاشارة منو يتكلم عمك اصمخ لا وحاطين كاميرا شنو هالكلام يا هندسة المرور

يا جماعة كنت في امريكا ومدينة صغيرة الاشارة ما تقدر اتعاكسها لسطوعها وقوتها وهذا بشارع داخلي وشرط وقت الزحمة هذي الاشارة تكتشف السيارات اذا زحمة والا لا شنو هالتكنولوجيا
وراحت علينا احنا انام وبعدين نقول يالله شنو سووا اهل الهند والا شرق آسيا

راحت علينا

تم اخذ الصور بواسطة تلفون سامسونج امنية (دعاية)

[فيصل]

يعطيك العافيه ابو على

اما عن الصور فلك السبق الصحفي

واهل الغتر فعلاً شدخلهم بالسالفه لاكن هو مثال لتعاون الشعب مع الحكومه

اتوقع ابو على ان الخلل فى الموضوع ان ما فى ناس ماسكه موضوع المرور وفاهمه بالتطوير

الكل يبي يمشى الوقت بالمنصب وبس

ولا عمرك شفت تبديل لوحات كل خمس سنوات وآخرتها ياخرون صدور اللوحات بسبب ان شعار الدوله باللوحه مقلوب

[تك تك]

هذا التنميه يا بوعلي :sun:
ابشرك خلاص بدت تشتغل علي ارض الواقع
:flower:

[السلطاني]

إي والله تذكرك بإشارات شارع الشميساني..بعمّان...

شخباري _ على قولة الحضر...

ما لأمها داعي..لكن هم يعرفون ربعنا بالإشارات يتململون..لذلك وضعوا لهم توقيت..يخفف من توتر الإنتظار...

[الرحال]

خلكم من الإشارة
إنتم بس شوفواللي يمينها ويسارها بعد

[مطر]

ماادري انتم لاحظتوا ان عداد الثواني من خانه واحده .. يعني عشر ثواني كحد اقصى علشان تفتح الاشاره. مااتوقع انك شفت مثلها يابوعلي في الهند و الاردن .. هذى اشاره "مرهمه". :)

[السلطاني]

ماادري انتم لاحظتوا ان عداد الثواني من خانه واحده .. يعني عشر ثواني كحد اقصى علشان تفتح الاشاره. مااتوقع انك شفت مثلها يابوعلي في الهند و الاردن .. هذى اشاره "مرهمه". :)


الإشارة هذه...إشارة صغيرة في شارع فرعي..وما تتأخر..

ابو علي كان متّجه إلى شارع القاهرة...!!

[مطر]

الإشارة هذه...إشارة صغيرة في شارع فرعي..وما تتأخر..

ابو علي كان متّجه إلى شارع القاهرة...!!
كنت اتغشمر مع ابو علي .. لاني استغربت وجود العداد فيها.

انا شفت هالنوعيه من الاشارات في بعض الدول .. غالباً تكون في شوارع كبيره و مده الانتظار لاتقل عن دقيقه. لكن في شارع فرعي و ماتتاخر الا عشر ثواني .. وحاطين عداد! امر جديد و اول مره اشوفه.

عندي احساس ان اللي لابسين غتر .. مسوين قطيه و شارينها.

[بوعلي]

مشكورين يا جماعة على اثرائكم الموضوع تقصدت امس امر على الاشارة مرة ثانية اشوفها اشتغلت والا لا
طبعا لا
الظاهر الجماعة ناطرين استلام هندسة المرور للاشارة واعتقد بانها ماراح تشتغل يشوفون تتحمل العوامل الجوية والطقس اول شيء وبعدين يشغلونها.
يقول لي واحد يشتغل بالادارة الهندسية بوزارة الصحة لما واحد يتبرع لبناء مستوصف مسكين شاد حيله وصارف ماراه ودونه لما اخلص المبنى يقولون له لازم تشتري الادوات والمعدات والاجهزة اللازمة لافتتاح المستوصف ، يروح هالمسكين يشتري اشوية اجهزة منها الغالي والرخيص بعدين يقولون له ترى لم يكتمل المستوصف باقي الجهاز الفلاني والجهاز الفلاني ينطر حتى اجمع الفلوس واذا بالاجهزة القديمة تتلف لعدم استخدامها
هذا كلام يا جماعة

[ummaha]

كنت اتغشمر مع ابو علي .. لاني استغربت وجود العداد فيها.

انا شفت هالنوعيه من الاشارات في بعض الدول .. غالباً تكون في شوارع كبيره و مده الانتظار لاتقل عن دقيقه. لكن في شارع فرعي و ماتتاخر الا عشر ثواني .. وحاطين عداد! امر جديد و اول مره اشوفه.

عندي احساس ان اللي لابسين غتر .. مسوين قطيه و شارينها.


:mixed:

عادي انت بالكويت و هذي الكويت صل على النبي !!

:weep:

[ummaha]

مشكورين يا جماعة على اثرائكم الموضوع تقصدت امس امر على الاشارة مرة ثانية اشوفها اشتغلت والا لا

طبعا لا
الظاهر الجماعة ناطرين استلام هندسة المرور للاشارة واعتقد بانها ماراح تشتغل يشوفون تتحمل العوامل الجوية والطقس اول شيء وبعدين يشغلونها.
يقول لي واحد يشتغل بالادارة الهندسية بوزارة الصحة لما واحد يتبرع لبناء مستوصف مسكين شاد حيله وصارف ماراه ودونه لما اخلص المبنى يقولون له لازم تشتري الادوات والمعدات والاجهزة اللازمة لافتتاح المستوصف ، يروح هالمسكين يشتري اشوية اجهزة منها الغالي والرخيص بعدين يقولون له ترى لم يكتمل المستوصف باقي الجهاز الفلاني والجهاز الفلاني ينطر حتى اجمع الفلوس واذا بالاجهزة القديمة تتلف لعدم استخدامها

هذا كلام يا جماعة



يعني بوعلي انا قريت الموضوع مرتين وكل مرة اقول غشمرة بس حسيت فعلا انك محتر ؟؟!

بو علي من صجك والله ؟!؟!

الحين الحكومة بكبرها نااااااايمة

وملف البدون متضخم ومرمي

وملف التنمية منهوب ومخفي

وملف القروض مسكوت عنه ومنفي

خليت كل هذا ايها الكريم ومسكتلي باشارة :mixed:

يااخي خلهم خلهم يمكن ماكو شغل قالوا نتسلى شوي

عادي و هم هذي الكويت صل على النبي :weep:

[بوعلي]

يعني بوعلي انا قريت الموضوع مرتين وكل مرة اقول غشمرة بس حسيت فعلا انك محتر ؟؟!

بو علي من صجك والله ؟!؟!

الحين الحكومة بكبرها نااااااايمة

وملف البدون متضخم ومرمي

وملف التنمية منهوب ومخفي

وملف القروض مسكوت عنه ومنفي

خليت كل هذا ايها الكريم ومسكتلي باشارة :mixed:

يااخي خلهم خلهم يمكن ماكو شغل قالوا نتسلى شوي

عادي و هم هذي الكويت صل على النبي :weep:

اشكرك ام مها بس اللي يقهر ان الشيء البسيط ما نقدر نجيده والشيء الكبير ما انعرفله بس فلحنا بالضحك والتصفق
انزين متى ؟
سالت دكتور بالجامعة الاسبوع الماضي في كلية الهندسة قلت له اشلون مستوى الطلبة
قال: في هبوط واللامبالاة وعدم الاهتمام ويستمر ويقول اتصدق ان طالب يدخل القاعة ما عنده قلم يكتب فيه.
شو هالحكي
والمستقبل يخبي الكثير الكثير

ترى ودي اهاجر من زمان بس ما في احد يشجعني

[Backpacker Girl]

أهم شي القطوة إلي بالتاكسي :)



سامسونج امنية

سامسونج عرفناه بس أمنية شنو :confused:

[مسك]

قبل جم شهر حطوا الجسور اللي عليها شاشات للتنبيهات (مادري شنو اسمها) والحين حاطين عدادات الإشارة تبدي من (9 ثواني)
الحكومة مدللتكم .. شنو تبون بعد؟

[بوعلي]

قبل جم شهر حطوا الجسور اللي عليها شاشات للتنبيهات (مادري شنو اسمها) والحين حاطين عدادات الإشارة تبدي من (9 ثواني)
الحكومة مدللتكم .. شنو تبون بعد؟

اعتقد بان هالـ 9 ثوان ماراح اتسوي شيء بعض السواق لو تحط لهم اللي تحط راح يطوف الاشارة على الراهي لا وجدام النجدة والشرطي قاعد يتكلم بالتلفون.
موقف عجيب شفته ذلك اليوم: نجدة جدامي على شارع الجهرا متجهين الى دوار الشيراتون وجدام النجدة باص ما وعيت الا النجدة تلزم بريك قوي وما علي الا اني اخذت الحارة الثانية ومريت على النجدة والا الشرطي المحترم ماسك بايد اللاسلكي والايد الثانية النقال
خوش قانون

[بوعلي]

ما زال الوضع مكانك راوح تم التركيب والتوصيل وبانتظار التسليم ثم التشغيل


عندي احساس انا قاعدين نعيش غلط

[الزيادي]

عادي يا بوعلي
الديره متروسه من هالسوالف

وليش مستغربين على العداد
هذي هي مشاريع التنميه الكبرى في 2010 :sun:

[بوعلي]

في احد عرف شنو مصير هالاشارة ؟؟؟