درس خصوصي... [الأرشيف] - منتديات الديوانية

مشاهدة النسخة كاملة : درس خصوصي...

السلطاني

12-01-2010, 10:43 PM

http://img412.imageshack.us/img412/4820/91995150hj5.jpg (http://imageshack.us)

شفنا إعلانات..شكر...

إعلانات عرس...

إعلانات ل معارض دراريع نسائية...

لكن إعلانات ل دروس خصوصية واشكرة.....اول مرة....أشوف...

هالإعلان عندنا ب منطقتنا...وب شكل واضح..وب مكان إستراتيجي...

iLFaReSsah.R

12-01-2010, 10:47 PM

هزلت والله!

ولد ابوه

13-01-2010, 12:47 AM

خخخخ...موسهم ..
إمتحآنآت( فآينل )..!!

q8ikhwan

14-01-2010, 12:07 AM

في طالب ما ياخذ دروس خصوصية هاليومين.

سمعت إنه طلبة الجامعة دخلوا معمعة الدروس الخصوصية.

ويقال ، والعهدة على الراوي ..

إن في مهندسين كويتيين قاموا يعطون دروس خصوصية.

iLFaReSsah.R

14-01-2010, 12:19 AM

سمعت إنه طلبة الجامعة دخلوا معمعة الدروس الخصوصية

صحيح 100% .. لأن اللي ماتاخذ عند مدرس خصوصي ..
مو ستايل وماتواكب الموضه ..!
وليتهم اييبون قريدات !! :cry:

ويقال ، والعهدة على الراوي ..
إن في مهندسين كويتيين قاموا يعطون دروس خصوصية

موقف صار أمام ناظريّ ..
أثناء الاستعداد لأختبار الـPhysics
1st Midterm
قبيل الاختبار بساعتين .. كانت أمامي فتاتين تدرسان .. وبدأتا بـ"التحلطم"
وذم المقرر والدكتور والمعيد انتهاءً بـالمعقد اللي ألف الكتاب.. وكانتا في حالة يأس شديد من الاختبار لعدم قدرتهن على الفهم الجيد الدقيق لمسائل الاغبياء كما أسمتاها..
المهم ..
وإذ بثالثتهن تجيء ويقومون يسلمون عليها سلام حارّ جداً جداً .. وبدوا يشكون الحال..
ولاّ الإخت أكبر منهم بسنتين وعايدة المقرر كذا مرة ..
فقامت بنصحهن بأنه من الغباء الدراسة من الكتاب ومن اسس تضييع الوقت النظر الى النوت وانها تعبت من من هالسيناريو وتبي الـA حسب كلامها!
ولكنها مو فالحة! فشـالـحل ياترى؟ ماكو الا حل واحد فقط!
جان تقوم تتصل على أحد المهندسين أمامنا وتكلمه
ومما فهمته من الحوار انها اتفقت معاه على تغشيشها السؤال اللي ماتعرفه عن طريق ارساله بواسطة الـSMS بمقابل رصيد 20 دينار...؟ بصراحة العرض كان مغري لهذا المهندس فوافق بلا شك فبدأت تنهمر منها عبارات الشكر والتمجيد له ..
انزين ورفيجاتها؟
قامت بوعدهن بأنها ستقوم بإرسال الحلول بواسطة البلوتوث لهن .. فـلاتحاتون وابشروا بالـFULL MARK !
شوي ولا يشيلون شلايلهم ويطلعون!!

انتهى!

تك تك

14-01-2010, 12:49 AM

انتهي زمن المسجات اختي الفارسه
الحين اللي ما عنده السماعه الصغيره ما يعرف يغش
اعتقد تعرفون شكلها؟؟

iLFaReSsah.R

14-01-2010, 01:04 AM

والله يا أخ تك تك هذا اللي حصل ..
المرة الياية اقترح عليهم يستخدمون السماعات ولايهمك :)

تك تك

14-01-2010, 01:08 AM

ما تبين وصغيره وسهلة الاستخدام:sun: